အောင်မြင်သူဆိုသည်မှာ

ကျွန်တော်နဲ့ ကျွန်တော့်ဇနီး ဆီလ်ဗီယာတို့ဟာ သာမန် စင်ကာပူ လူမျိုးမိဘတွေ ဖြစ်ကြပါတယ်။ ကျွန်တော်တို့နှစ်ယောက်ဟာ ဂျွန်နဲ့ ပက်ဆိုတဲ့ သားနှစ်ယောက်နဲ့ အလုပ်ရှုပ်နေကြပါတယ်။ တစ်နှစ်မှာ အကြိုပြိုင်ပွဲတွေ အဆင့်ဆင့်တက်ပြီးနောက် သူတို့ရဲ့ ဘင်ခရာတီးဝိုင်း(စိန့်ဂျိုးဇက် ကျောင်းတပ်ဖွဲ့ တီးဝိုင်း) ဟာ ကျောင်းပေါင်းစုံ ဘင်ခရာတီးဝိုင်းပြိုင်ပွဲ ဝင်ရတဲ့အဆင့်အထိ ရောက်သွားတယ်။
ကျွန်တော်တို့လည်း သားနှစ်ယောက်ရယ်၊ သူတို့ရဲ့တူရိယာတွေရယ်နဲ့ လိုက်သွားကြတာပေါ့။တခြားတီးဝိုင်းတွေအားလုံးလည်း အမျိုး
သားအားကစားကွင်းကြီးထဲမှာ စုဝေးကြတယ်။ ချီတက်တီးမှုတ်ပြဖို့ တန်းစီနေကြချိန်မှာ တခြားမိဘတွေနဲ့ ဆရာ။ ဆရာမတွေလည်း စိတ် လှုပ်ရှားစွာနဲ့ စောင့်ကြည့်နေကြတယ်။
သားတို့ရဲ့ တီးဝိုင်းကွင်းအလယ်မှာ ရပ်နေတော့ တခြားကျောင်းတီးဝိုင်းတွေရဲ့ ရောင်စုံဝတ်စုံတွေကြားထဲမှာ အဖြူနဲ့အစိမ်း ပြောက် ကလေးလောက်ပဲ မြင်ရတယ်။ တခြားကျောင်းတစ်ကျောင်းက တီးဝိုင်းက ကျကျနန။ ဂုဏ်တယူယူနဲ့ ချီတက်လာတယ်။ ခေါင်းဆောင် လာ တဲ့ ဒရမ်တီးတဲ့သူကိုကြည့်ရတာ သူ့လှုပ်ရှားမှုနဲ့ သူ့တီးချက်နဲ့ ကိုက်နေလိုက်တာ။ သူ့ရဲ့တီးဝိုင်းကလည်း သူခေါင်းဆောင်တဲ့
နောက် ကိုခြေတစ်လှမ်းမမှားဘဲ အချိန်ကိုက် ချီတက်လိုက်ပါလာကြတယ်။
နောက်တစ်ကျောင်းကလည်း ရှေ့ကျောင်းကတီးဝိုင်းထက်မသာရင်တောင် မညံ့ဘူး။ ကျောင်းရဲ့ဆိုင်းဘုတ်ကိုလည်း သယ်လာကြ တယ်။ လှုပ်ရှားမှု့ကလည်းလှ၊ ဂီတသံကလည်း သွက်၊ ထုံးစံအတိုင်း ဒရမ်တီးတဲ့သူရဲ့ လှည့်လိုက်၊ ရမ်းလိုက်၊ ကွေ့လိုက်၊ ပစ်လိုက် နဲ့ လုပ်နေတဲ့ လှုပ်ရှားမှု့တွေဟာ လူတွေရှုမဝစရာတွေပါ။
သားတို့အသင်း ထွက်လာတော့လဲ ပရိသတ်က ဝမ်းပန်းတသာ အားပေးကြပါတယ်။ အခုအထိတော့ ဟုတ်နေတာပဲ။ တီးကွက်က လည်း တစ်ချက်မမှားဘူး။ အခုထိတော့ ဟုတ်နေတာပဲ။ တီးကွက်ကလည်း တစ်ချက်မမှားဘူး။ ခြေလဲတစ်လှမ်း မမှားဘူး။ လှုပ်ရှားမှု့ တိုင်းဟာ ကွက်တိပဲ။ တီးဝိုင်းခေါင်းဆောင်ကလည်း ကျွမ်းကျွမ်းကျင်ကျင်၊ နိုင်နိုင်နင်းနင်းနဲ့ ဦးဆောင်လာတယ်။ ကျက်သရေရှိပါ့။
ကျွန်တော်တို့စိတ်ထဲမှာတော့ သားတို့တီးဝိုင်းကို အားပေးတဲ့ လက်ခုပ်သံတွေဟာ အကျယ်ဆုံးနဲ့ အကြာဆုံးလို့ ထင်မိတယ်။ ဝမ်း သာလွန်းလို့ “ငါတို့တော့နိုင်ပြီကွ” ဆိုပြီး ထခုန်မိသေးတယ်။ အမေလုပ်သူကလည်း မျှော်လင့်ချက်တခွဲသားနဲ့ ခေါင်းညိတ်တယ်။
ဒါပေမယ့် သားတို့အသင်းက ဆုမရပါဘူး။
ဆုရတဲ့သူကို ကြေညာတော့ ကျွန်တော် ဘယ်သူဆုရတယ် ဆိုတာတောင် မမှတ်မိပါဘူး။ အဲဒီအသင်းက တန်းစီ နေရာက ရှေ့ကို ထွက်လာတယ်။ ဝမ်းသာကြ၊ ပျော်ကြလွန်းလို့ တန်းစီထားတာကိုဖျက်ပြီး အော်ကြဟစ်ကြ၊ ပွေ့ကြဖက်ကြနဲ့၊ သူတို့ရဲ့ ဦးထုပ်တွေကို လည်း လေထဲလွှင့်ပစ်ကြတယ်။ ခပ်ကဲကဲကောင်လေးတွေကတော့ သူတို့ရဲ့တူရိယာတွေကိုတောင် လွှင့်ပစ်ကြတယ်။
ရှုံးတဲ့သူတွေ၊ ဆုမရတဲ့သူတွေကတော့ ငိုကြယိုကြ၊ စိတ်ပျက်လက်ပျက် ထိုင်ချကြနဲ့ပေါ့။
သားတို့နှစ်ယောက် ငိုသလား၊ မငိုသလားဆိုတာကိုတော့ သိပ်ဝေးလွန်းလို့ မမြင်ရပါဘူး။ဒါပေမယ့် သူတို့က တန်းစီမပျက်ဘူး။ သူတ ကာတွေ ရုတ်ရုတ်သဲသဲ ဖြစ်နေချိန်မှာ ဣနြေ္ဒရရပဲ။ သူတို့ရဲ့ခေါင်းဆောင် ဒရမ်ဆရာပြောတဲ့ စကားကို ငြိမ်ငြိမ်လေး နားထောင်နေကြ တယ်။
ပြီးတော့ သူကခေါင်းဆောင်ပြီး ကျွန်တော်တို့ ကြားနေကျ ကျောင်းသီချင်းကို တီးမှုတ်လိုက်ကြတယ်။ ပရိတ်သတ်တွေက ချက်ချင်းငြိမ်
ကျသွားတယ်။ လူတစ်စူလောက်ကပဲ တိတ်ပြီးနားထောင်နေရာက အားလုံးတိတ်ဆိတ်ပြီး နားထောင်ကြတယ်။ တစ်ခုခုတော့ တစ်ခုခုပဲ။
ပြီးတော့ချက်ချင်း ခြေတစ်လှမ်းမမှား၊ တီးလုံးတစ်ချက်မလွဲ၊ သူတို့ရဲ့စိတ်ပျက်အားငယ်မှု့ကို အဖြူအစိမ်း ဝတ်စုံတွေကြားထဲမှာ ဖုံးအုပ် ပြီး ချီတက်လာကြတယ်။
ပြန်ဖို့ဟန်ပြင်နေကြတဲ့ ပရိတ်သတ်က မပြန်နိုင်သေးဘဲ ကလေးတွေ ငယ်ငယ်ရွယ်ရွယ်နဲ့ အရှုံးကို သတ္တိရှိရှိရင်ဆိုင်ပုံ၊ ကြည့်မဆုံး၊ ရှု့ မဆုံး၊ ချီးကျူးမဆုံး ဖြစ်နေကြတယ်။ နောက်တော့ ဘယ်သူမှ မနေနိုင်တော့ဘဲ အားလုံးဝိုင်းပြီး လက်ခုပ်တီးကြတယ်။ ရှုံးနိပ်နေတဲ့အချိန်
မှာတောင်မှ ဂုဏ်သိက္ခာယူစရာ အခွင့်အလမ်း ရှိနေပါတယ်။
နောက်တစ်ရက်၊ နှစ်ရက်လောက်ကြာတော့ သတင်းစာထဲမှာ အရှုံးကို ရဲရဲဝံဝံ ရင်ဆိုင်ရဲတဲ့ ကျောင်းတီးဝိုင်းကို ချီးကျူးထားတဲ့ စာတစ်
စောင်ပါလာတယ်။ “ဘဝမှာ ဘယ်လိုအောင်နိုင်အောင် လုပ်ရမလဲဆိုတာ အရေးကြီးသလို ဘယ်လို အရှုံးကို ဘယ်လိုလုပ်ရမလဲဆိုတာ
လဲ ထပ်တူထပ်မျှ အရေးကြီးပါတယ်” လို့ရေးထားတယ်။ ဘယ်ဟုတ်မလဲ....အရှုံးကို ဘယ်လို ရင်ဆိုင်မလဲဆိုတာက ပိုပြီးတောင် အရေး
ကြီးပါသေးတယ်။ ဘဝမှာ ကျွန်တော်တို့တစ်တွေက အောင်မြင်မှု့တွေထက် ရှုံးနိမ့်မှု့တွေနဲ့ ပိုပြီးရင်ဆိုင် နေကြရတာမဟုတ်လား။

ခင်မောင်ချို(ဘောဂဗေဒ) ဘာသာပြန်သည်..။