လူ ၅ မျိုး

ဒီ ငါးမျိုး ငါးလူ ကတော့ ဆရာ အတ္တကျော် ရဲ့ စာအုပ်ထဲမှာ ဖတ်ဖူးတာလေးပါ။ သူငယ်ချင်းတွေလည်း ဖတ်၊ မှတ်လို့ရအောင် ရေးလိုက်တာပါ။ သူပြောတာက လောကမှာ လူ ၅ မျိုးသာ ရှိတဲ့အကြောင်းပါ။

ပထမ တစ်မျိုးက အဝတ်အစား ဝတ်ထားတဲ့ တိရစ္ဆာန်သာသာ လူစား( Mere animals wearing clothes)တဲ့။ အဲဒီလူမျိုးတွေက တိရစ္ဆာန်လိုပဲ အိပ်၊ စား၊ ကာမ ထိုသုံးဝနဲ့ပဲ ဘဝကို အချိန်ကုန်နေကြ၊ တိရစ္ဆာန်လိုပဲ စိတ်ကူးထဲပေါ်တာတွေ အကုန်လုံးလျှောက်လုပ်ကြ၊ အာရုံရင် ရသလို ထင်ရာစိုင်းလိုက်ကြနဲ့မို့ တကယ်တမ်းမှာ တိရစ္ဆာန်က အဝတ်အစားဝတ်ထားတာလောက်ပဲ ရှိပါတယ်။ ဒါကြောင့် လူငါးမျိုးထဲမှာ အနိမ့်ဆုံး အမျိုးအစားလို့ သရုပ်ခွဲပြထားပါတယ်။

ဒုတိယ တစ်မျိုးကတော့ ပထမ ထက် အနည်းငယ် သာပါတယ်တဲ့။ အဲဒါကတော့ အခွင့်အရေးသမားတွေ( oppourtunists)တဲ့။ သည်အမျိုးအစားကတော့ ဘယ်သူသေသေ ငတေမာရင်ပြီးရော ဆိုတဲ့စိတ်ဓာတ်နဲ့ ကိုယ့်အခွင့်အရေးအတွက် ဘာမဆို လုပ်ကိုင်ဆောင်ရွက်ဖို့ ဝန်မလေးသူတွေပါတဲ့။

တတိယ တစ်မျိုးကျတော့လည်း ဒုတိယအမျိုးထက် နည်းနည်းသာသွားပြန်ရောတဲ့။ အဲဒီတစ်မျိုးကတော့ ဘဝရပ်တည်မှုအတွက် အားထုတ်သူများ (careerists) ပါ။ သူတို့ကတော့ အတက်ပညာ၊ အသိပညာ၊ ဝါသနာ၊ အစွမ်းအစ တစ်ခုခုကို ထုတ်သုံးပြီး ဘဝရပ်တည်ရေးအတွက် ဆောင်ရွက်နေသူများဖြစ်ပါတယ်။

စတုတ္ထ တစ်မျိုးကတော့ စာရိတ္တမဏ္ဍိုင်ကို ခိုင်အောင် ထိန်းသိမ်းသူများ(men of principle)ဖြစ်ပါတယ်။ လျှာမှာ မြက်ပေါက်ပါစေ၊ သည်လိုအလုပ်မျိုးကိုဖြင့် မလုပ်ဘူး။ မိုးပြိုရင် ပြိုပါစေ၊ မတရားတာတော့ မလုပ်ဘူး စသဖြင့် မိမိရဲ့ ယုံကြည့်ချက်၊ ရပ်တည်ချက်ကို အပွန်းအပဲ့ မခံသူများ ဖြစ်ပါသတဲ့။

အဲ.. နောက်ဆုံး ပဉ္စမ တစ်မျိုးကတော့ သူတော်စင်များ (saints)ပါတဲ့။ မိမိရဲ့ကိုယ်ကျိုးကို လုံးဝကို ထည့်သွင်းစဉ်းစားခြင်းမရှိတော့ဘဲ အများအတွက် ဆောင်ရွက်နေတာ၊ အများသူငါပေါ် မေတ္တာစေတနာသန့်စင်စွာ ထားရှိနိုင်တာ၊ အတ္တအနည်းဆုံးနေနိုင်တာများနဲ့ ပြည့်စုံနေသူ သူတော်စင်များပါတဲ့။

ဒါလေးကိုဖတ်ပြီးတော့ စဉ်းစားကြည့်မိတယ် ကိုယ့်ကိုယ်ကို၊ ငါဘယ်လိုလူမျိုးလဲပေါ. ။ သူတော်စဉ်ဖြစ်ဖို့ကတော့ အဝေးကြီးပါပဲ သူများအပေါ်မေတ္တာထားနိုင်ပေမယ့် တစ်ခါတစ်ခါ ကိုယ့်အတွက်တော့ ကိုယ်ကျိူးကိုကြည့်မိတတ်သေးတယ်။ အတ္တကလည်း ကြီးထားလိုက်တာ။ မာနကလည်း အရမ်းမကြီးဘူးဆိုပေမယ့်၊ သိကြတဲ့အတိုင်း လူမှန်ရင်တော့ ကိုယ့်မာနနဲ့ကိုယ်က ရှိကြတာပဲလေ...။
စတုတ္ထတစ်မျိုးမှာရောပါနိုင်သလား၊ စာရိတ္တမဏ္ဍိုင်ကို မယိမ်းမယိုင် ထိန်းနိုင်သူလား ? ဟုတ်ကဲ့..။ ဟုတ်ကဲ့ဆိုလို့ သဉ္ဇာ့ကို အဲလိုလူလို့မထင်လိုက်ပါနဲ့ဦး...။ အဲလိုမျိုးလေးဖြစ်အောင် ကြိုးစားနေဆဲပါ။ အင်းကျန်တဲ့ သုံးမျိုးထဲမှာတော့ ပထမ ဆုံးအမျိုးအစားမှာ မပါချင်တာတော့ အမှန်ပါ၊ ဒါပေမယ့် ထင်ရာစိုင်းတတ်တုန်းပါပဲ။ ပထမ ၃မျိုးထဲမှာ ကိုယ်ရှိနေတယ်ဆိုတာ သိပေမယ့် ပထမဆုံးအမျိူးအစားထဲမှာ မပါနိုင်သမျှ မပါအောင် ကြိုးစားနေရပါတယ်ရှင်...။ သူငယ်ချင်းတို့လည်းခဏလောက်ဖြစ်ဖြစ် စဉ်းစားကြည့်စေချင်ပါတယ်။