ဘဝ နဲ့ အလောသုံးဆယ်

ငှက်ကလေး ပျံသန်းသွားပြီ.... ပြန်ရောက်လာချိန် ရှိအုံးမှာပါ
အပင်ငယ်လေး ညှိုးနွမ်းသွားတယ်..... ပြန်လည်စိမ်းလန်းဖို့ ရှိလာမှာပါ
ဒါပေမယ့်... ငါတို့ရဲ့နေ့ရက်တွေ ဘာလို့များ ဖြတ်သန်းပြီးတာနဲ့ တစ်ခါထပ်ပြီး ပြန်မရနိုင်တော့တာလဲ??
တစ်စုံတစ်ယောက်က ခိုးယူသွားတယ်ပဲထား.... ဘယ်သူများလဲ ?? ဘယ်မှာများဖွက်ထားခဲ့သလဲ ??
သူတို့ကိုယ်တိုင်ထွက်သွားကြတယ်ပဲထား..... ခုဘယ်တွေများရောက်နေကြသလဲ??

ငါ့အတွက် နေ့ရက် ဘယ်လောက်များများ ပေးထားတယ်ဆိုတာ မသိပါဘူး.. ဒါပေမယ့် ငါ့လက်ထဲမှာ တဖြည်းဖြည်းနဲ့ လျှော့ပါးလာနေကြတယ်။ တိတ်တဆိတ်အတွင်းမှာပဲ ငါ့လက်ထဲမှာ ရက်ပေါင်း ၈၀၀၀ ကျော် ဖြတ်သန်းသွားပြီးပါပြီ။ အပ်ထိပ်က ရေစက်ကလေး ပင်လယ်ထဲ တစ်စက်ပြီးတစ်စက် ကျနေသလိုပါပဲ၊ ငါ့နေ့ရက်တွေလည်း အချိန်ရဲ့ စီးဆင်းမှုထဲ တစ်ရက်ပြီးတစ်ရက် စီးဆင်းသွားကြတယ်။ အသံမဲ့၊ ပုံရိပ်မဲ့။ ချွေးတဒီးဒီး၊ မျက်ရည် တလိမ့်လိမ့်... ငါ တားဆီးမထားတော့ပါဘူး။

သွားသူတွေလည်း သွားကုန်ကျပါပြီ၊ ရောက်လာသူတွေလည်း လာနေကြဆဲ...။ ထွက်သွားခြင်းနဲ့ ရောက်ရှိလာခြင်းကြား ဘာလို့များ“လော” နေကြမလဲ။မနက်မိုးလင်း ငါနိုးထတဲ့အချိန် အခန်းထဲမှာ နေရောင်လေးတွေ ဟိုဟိုဒီဒီ ဖြာဆင်းနေကြတယ်။ နေရောင်ခြည်မှာလည်း ခြေထောက်ပါတာပါပဲလား !!! တိတ်တဆိတ်လေးနဲ့ မသိမသာလေးရွေ့လျားသွာနေကြတယ်။

လက်ဆေးနေတဲ့အချိန်မှာလည်း... အချိန်တွေလည်း ရေနဲ့အတူ လက်ဆေးခွက်လေးထဲမှာ ကုန်ဆုံးဖြတ်သန်းသွားကြတယ်။ ထမင်းစားချိန်လည်း ထမင်းပန်းကန်လေးထဲ အချိန်တွေကလည်း လိုက်ပါကုန်ဆုံးသွားကြတာပဲ။တိတ်တဆိတ်
ငြိမ်သက်နေချိန်တွေမှာလည်း တို့ရဲ့မျက်ဝန်းတစ်စုံရဲ့ရှေ့ကပဲ ဖြတ်သန်းသွားကြလေရဲ့။ ကျွန်ုပ်စိတ်ထဲမှာတော့ သူတို့ဖြတ်သန်း
မှုနှုန်းက သိပ်ကိုမြန်ဆန်လွန်းလှတယ် လို့ခံစားလာရတယ်....။ လက်တွေကို ဆန့်ထုတ်ပြီး ကာဆီးမှု၊ ဖမ်းယူမှုတွေပြုလုပ်နေခိုက်၊ အဲဒီ ကာဆီး၊ဖမ်းယူမှုတွေလုပ်နေတဲ့လက်နားကပဲ ဖြတ်သန်းသွားကြပြန်တယ်။ မိုးမှောင်ချိန် ငါအိပ်ယာထဲ လဲနေခိုက်၊ ငါ့ရဲ့ခန္ဓာကိုယ်ဆီကနေ
ပဲ ပိုပြီး မြန်မြန်ဆန်ဆန် ဖြတ်ကျော်ပျံသန်းသွားကြတယ်။ ငါ့မျက်ဝန်းတစ်စုံ ပြန်ဖွင့်ပြီး နေမင်းနဲ့ ပြန်တွေ့ချိန်... အော် နေ့တစ်ရက်ကကုန်
ဆုံးသွားခဲ့ပြီးပြန်ပြီပေါ့။ ငါမွန်းကျပ်မှုကို မျိုသိပ်ထားတယ်.. သို့ပေမယ့် ရောက်ရှိလာတဲ့ နေ့ရက်သစ်ရဲ့ ပုံရိပ်ကလည်း ထပ်၍ မွန်းကျပ်မှု တွေကနေပဲ စတင်ကျော်ဖြတ်ကြတယ်။

ပျံသန်းနေသလိုလျင်မြန်စွာကုန်ဆုံးနေတဲ့ နေ့တွေထဲ၊ လူတွေအမြောက်အများရှိနေတဲ့ ကမ္ဘာကြီးပေါ် ငါဘာများ လုပ်နိုင်သလဲ ?? ခေါက်တုန့်ခေါက်ပြန် လွန်းဆန်တာနဲ့ပဲ ပြီးသွားတာပါပဲ၊ ကရောသောပါး နဲ့ပဲ ပြီးသွားတာပါပဲ။ ရက်ပေါင်း ၈၀၀၀ ကျော်ရဲ့ အလောသုံးဆယ်ကြား.. ခေါက်တုန့်ခေါက်ပြန် လွန်းဆန်ခဲ့တာအပြင် ငါ့အတွက်ဘာများ ထင်ကျန်တာရှိအုံးမလဲ ?? ငါဟာ ကမ္ဘာပေါ်ကို ဗလာတီးနဲ့ ရောက်ရှိလာခဲ့တယ်၊ မျက်စိတမှိတ်အတွင်းမှာပဲ ဗလာတီးနဲ့ ပြန်သွားရအုံးမှာပဲထားပါအုံး... ဒါဟာတရားပါ့မလား ?? ငါဘာကြောင့်များ ဒီအတိုင်း အလောသုံးဆယ်နဲ့ ပြီးသွားရမှာတဲ့လဲ ........??

ကျောင်းမှာဖတ်ခဲ့ရတဲ့ စာလေးထဲကပါ... ဘာသာပြန်တာ အဆင်မချောရင် သည်းခံပြီး ဖတ်ကြပါနော်..